Written by: Lavanya Karki - 31012, Grade V
Posted on: 16 February, 2024
कैलाली जिल्लाकाे मटेरा गाउँको ऐलानी जग्गामा पहाडी बस्ती थियो । बुद्धि कक्षा पाचँमा पढ्थ्यो । पढाइमा राम्रो नभएकाले उसलाई सरहरूले मुर्गा बनाउनुहुन्थ्यो । त्यसैले ऊ स्कुल जानुको सट्टा सल्लाघारी घुम्थ्यो । बुद्धिसँगै उसकाे साथी डिल्ली पनि हुन्थ्यो । थारू गाउँमा राम राम भन्ने सुगा देखेपछि बुद्धिलाई पनि त्यस्तै सुगा पाल्न मन लाग्यो । तर उसका बाले अनुमति दिनु भएन । गर्मीको मौसम थियो, बुद्धि र डिल्ली सालघारीतिर गएका थिए । त्यतिबेला बुद्धिले सुगा भुर्र उडेको देख्यो । सुरिलो गाँठागुठी कम भएको सालको रुखमा सुगाको गुड थियो । डिल्ली रुखमा चढ्यो र रुखको टोड्काबाट सुगा झिकेर ल्यायो । आमाले पकाएको पातला र भुक्क फुलेका रोटीको सट्टा डिल्लीले बुद्धिलाई सुगा दियो । केही महिना अघि ठुलो झरी परेको थियो त्यहीबेला बिरालो बुद्धिकाे घरमा आएको थियो । बिरालो बुद्धिकाे घरमा बस्ने र बुद्धिसँगै एउटै अाेछ्यानमा सुत्न थाल्याे । फट्याङ्ग्रा र भात खाएर सुगा हुर्कियो । एक दिन बा बजारबाट आउदा पिँजरा ल्याइदिनुभयो । बुद्धिले सुगालाई पिँजरामा राख्याे । पिँजरा गोलाे थियो । पिँजरा दैलोको छेउमै झुन्डिएको थियो । बेलाबेलामा सुगा पट्टु पट्टु भन्दै कराउँथ्यो । बुद्धिका बाआमा गाँउबाट बजार बसाइँसराइ गर्नुहुने भयो । बजार गएकाे केही समयपछि बिरालोले सुगालाई अँध्यारो चेपतिर लगेर गयो । बाले भन्नुभयो, “जो जुन ठाँउमा हुनुपर्छ त्यसलाई त्यही ठाँउमा हुन दिनुपर्छ । तैँले थुनेर राखिस्, बिरालोले खायो ।”
