म नारी हुँ

Written by: Prijom Khadka - 24076, Grade XII

Posted on: 13 February, 2024

उनीहरूले भने 

आफूलाई माया गर्न गल्ति थियो

आफूलाई बचाउनु गल्ति थियो मेरो 

जब समाजले मेरो चरित्रमाथि औँला उठायो 

आवाज उठाउनु गल्ति थियो मेरो l

 

उनीहरूले भने जब कसैलाई नराम्रो नजरले हेर्छ 

आफू आँखा झुकाई बस्नु 

जब कसैले जिस्काउँछ 

चुप लाग्नु । 

 

तर म भन्छु 

जब चरित्रमा प्रश्न उठ्छ 

मेरो लागि म उठ्छु 

जब मलाई समाजले हेप्छ 

मेरो लागि म आवाज उठाउँछु। 

 

म यो समाजमा शिर उठाई हिड्छु 

जब कसैले म को हुँ भन्ने सोध्छ 

गर्वका साथ म भन्छु 

म एक नारी हुँ ।।