मलाई मन पर्ने पुस्तक

Written by: Nivaan Aryal - 34029, Grade II

Posted on: 20 December, 2023

 मलाई मन पर्ने पुस्तककाे नाम ‘पुन्टे घुम्न जाँदा’ हो । याे  पुस्तकका लेखक श्यामकृष्ण खुलिमुली हुन् । यो एउटा कुकुरको छाउरोको कथा हो । कुकुरको छाउरोको नाम पुन्टे हो । एक दिन आमा नभएको बेलामा पुन्टे बाहिर घुम्न जान्छ । उसले एक्लै घुम्दा निकै रमाइलो हुन्छ हाेला भन्ने सोच्छ तर उसलाई एक्लै देखेर सबैले हेप्छन् र गाली पनि गर्छन् । सर्पले झन्डै टोक्न खोज्छ तर त्यति बेला उसकी आमाले बचाउँछिन् । पुन्टेलाई पानीको खाल्डोमा खसेर भिजेपछि अति जाडो हुन्छ । भोक पनि लाग्छ । आमालाई देखेपछि पुन्टे खुसी हुन्छ र पेटभरि दुध खान्छ । पुन्टे आफू एक्लो हुँदा आमालाई एकदमै सम्झन्छ । त्यसैले पुन्टे जस्तै हामीले पनि आमालाई नसोधी बाहिर एक्लै जानुहुन्न । यदि नसाेधी गएमा पुन्टेले जस्तै हामीले पनि दुःख पाउँछाैँ भन्ने सन्देश यस कथाले दिएकाे छ ।