मृत्यु संस्कार

Written by: Pranav Pandey - 31016, Grade V

Posted on: 19 December, 2023

आफ्नो भौतिक शरीर संसारबाट छोडेर जानुलाई मृत्यु भनिन्छ। मृत्यु भएपश्चात आत्मा सधैँ रहिरहने र अमर हुन्छ । एक दिन सबै जीव र प्राणीहरू मरेर जानुपर्छ  । यो संसारको नियम हो । मृत्युपछि परिवारका सदस्यहरूले मृतककाे सम्झनामा विभिन्न कार्यक्रमहरू गर्छन्  । सेतो लुगा लगाएर, एक छाक विना नुन खाना खाएर १३ दिनसम्म परिवारको मुख्य व्यक्तिहरूले बार्ने संस्कार छ। उक्त १३ दिनभित्रमा शुद्ध शाकाहरी खाना र फलफूल खाएर अनि विशेष पूजा गरेर शाेक मनाइन्छ । यस बेलामा छिमेकी र आफन्तहरूले विचारका रूपमा चामल,घ्यू र फलफूल ल्याउँछन् । मरेको मानिसको तस्वीर अगाडि १३ दिनसम्म बत्ती बालेर उनको सम्झना गरिन्छ। अन्तिम १३ दिनमा आफन्त तथा सबै परिवारका सदस्यहरूलाई खाना खुवाएर १३ दिनको काम सम्पन्न गरिन्छ । यो मृत्यु संस्कारको कार्यक्रम हरेक जातजातिअनुसार आ-आफ्नो तरिकाले सम्पन्न गर्ने चलन छ।