Written by: Surabhi Ghimire - 26012, Grade X
Posted on: 18 December, 2023
सेताम्य हिउँ, छायाँ र चिसाे समय,
सिरसिर हवा, तुषाराे र हुस्सु
पर्वतहरू बेलाबेला लिन्छन् बरफको रूप,
बिर्सिएको थियो धेरै, यो समयको साथ।
फूलहरूको छायाँ, सुन्दर र शीतल,
चिसाेको आगमन, बदलिएको वातावरण।
सर्दीको सुरुवात, कुहिराेसँगै मधुराे घाम
मुटु नै हल्लाउने याे कस्ताे जाडाे याम ।
पहाड र हिमालहरू छान्न थाल्छन् ताताे
टिपेर चिसाेबाट घामलाई काखमा
गुनगुनाउँदा उनीहरू हिमाली भाकामा
तुषारापात ती हरिया पाखाहरूमा ।
बालबालिकाहरू बरफमा गोलाबारी,
रमाई रमाई खेल्छन् वारिपारि
सर्दीको मौसम, रमाइलो र आनन्द मानी
रमाएर एक अर्काकाे हात तानी तानी
प्रकृतिको रमाइलो, ठाउँहरूमा सञ्चार,
हिउँकाे सुन्दरता र जीवनमा नयाँ रङ्ग ल्याउँदै।
टम्म र गम्म भएर बरफमा हराउँदै
म तिमीलाई बिदा गर्न चाहन्छु ।