मानिस

Written by: Riddhis Sharma - 26006, Grade X

Posted on: 04 December, 2023

साना साना कदम बढाउँदै 

पाइलाहरू सार्दा सार्दै, 

कुन परिस्थितिमा आइपुगेछु

मैले चालै पाइनँ । 

 

जीवनको यो रमणीय यात्रामा

कहिले हराएछु 

मैले थाहै पाईन ।

 

नयाँ मानिस र असल साथी खोज्दै 

प्रकृतिको सुन्दरतालाई नियाल्दै 

यस संसारका रहस्यका बारेमा सोच्दै

यो ब्रमहाण्डको विचित्रतामा हराएछु म ।

 

जती हरायो त्यति रमाउने यो प्रकृतिमा

मैले आफ्नोपन भेटेँ।

मानिसले बिगारेको वनलाई

आफ्नो साथी ठानेँ ।

 

विनाशकारी विपरित बुद्धि भन्थे

मानिस त्यस्तै हुँदा रहेछन्  ।

जति सिकाए पनि 

त्यही प्रकृतिको नाश गर्दछन् ।

 

कति स्वार्थी है यो मानव जाति

आफ्नो सुखी जीवनका लागि

प्रकृति र पृथ्वीलाई  उजाड बनाएको छ

उसकै विनाश गर्दै छ । 

 

सत्य युगमा देव र अशुर लोकको युद्ध भयो,

त्रेता युगमा राम र रावणको युद्ध भयो ।

द्वापर युगमा माहाभारतको युद्ध भयो

तर यो युगमा मानिसले आफैँसँग युद्ध लड्नु छ । 

मानिसले आफैसँग लडिरहेछ,

आफैसँग कराइरहेछ 

स्वार्थमा आफैँ अल्झिरहेछ

 ईश्वरमा श्रद्धा नै छैन, 

र आफूलाई मद्दत गर्नेलाई 

जरा काट्न थाल्याे ।