Written by: Sakshyam Karna - 26013, Grade X
Posted on: 07 November, 2023
यहाँ को छ र,
जो कहिले हाँसेकै छैन
न त कहिले हारेको नै छ
जो कहिले रोएकै छैन
कहिल्यै उठैकै छैन ।
न त कहिल्यै ढलेको नै छ
यहाँ त केही पक्कै भएकै छ ।
जसलाई कसैले कहिल्ल्यै
प्रेम गरेकै छैन
न त कसैले घृणा नै ।
जो कहिले कसैसँग तड्पिएको छैन
जसले कसैसँग हजारौँ सपना सजाएकै छैन
जो कहिल्यै छचल्किएर पोखिएकै छैन
न कहिले कसैसँग रित्तिएको नै छ
यहाँ त केही पक्कै भएकै छ ।
सत्य मैले अहिलेसम्म देखेकै छैन
न कहिले सुनेको छु
आमाको छातिमा पोखिएको
छोराको रातो रगत देखेको छु
यहाँ हरकोही एकान्तमा तड्पिएर रोएकै छ ।
मरी मरी बाँचेकै छ
यहाँ त केही पक्कै भएकै छ ।
कसैले कसैलाई जरुरत चाहेकै छ
कसैले पाएको छ
त कसैले गुमाएको
यहाँ मनहरुलाई कहिले
अरूले बुझाएको छ त
कहिले आफैँ बुझेको छ
कहिले मन सम्हालिएको छ त
कहिले आफैँ बिथोलिएको छ
यहाँ केही त पक्कै भएको छ ।
जसलाई उसले भन्ने हिम्मत गर्दैन
अनि दुनियाँमा सुन्ने चाहना नै छैन