Written by: Sauharda Bajracharya - 26010, Grade X
Posted on: 03 November, 2023
जीवनको पहिलो बिहानी, हामी पाइला टेक्छौँ,
आमा र बाबाको खुसीबाट हाम्रो आँखा भर्छ,
निर्दोषता र आश्चर्यसँग, हामी मुस्कुराउँछौ,
बाल्यकालको रमाइलो मैदानमा आफ्नो दिन काट्छौँ ।
थाहा हुदैँन के हो जिन्दगी,
हामी त जिउन मात्र सिक्छौँ,
हेर्दा हेर्दै दिनहरू बित्छ,
एकदिन सानो त अर्को दिन ठुलो हुन्छ ।
हाँसो र खुसीसँगै हामी बढ्दै जान्छौँ,
दिन प्रति दिन नँया कुरा सिक्छौँ,
कक्षामा पढ्न र मैदानमा खेल्न सिक्छौँ,
नयाँ साथीहरूसँगै पुरा दिन बिताउछौँ ।
हुँदै सात, आठ वर्ष,
पढाईलाई गम्भीर रूपमा लिन्छौँ,
म त ठूलो भएर डाक्टर बन्छु भन्छौँ,
खेल्दै, पढ्दै, बढ्दै जान्छौँ हामी ।
भएँ होला म १०, ११ वर्ष,
अब त जीवनलाई गम्भीर रूपमा लिन्छौँ,
अहिले त भविष्यको चिन्ता छैन,
पढाईमा नै ध्यान छ ।
१४, १५ वर्ष पनि पुगियाे,
अब पो छ भविष्यको चिन्ता,
मनोविज्ञान र दिमागको विकास त भयो,
आफू नै सबैभन्दा ठुलो भए झैँ लाग्यो ।