Written by: Shabdika Nepal - 28029, Grade VIII
Posted on: 20 September, 2023
अन्नको एउटा एउटा दाना दिने
भोका पेटहरूलाई खान दिने
धान रोपी चामल फलाउने किसान
हाम्रै लागि दिनरात नभनी काम गर्ने किसान
घाम र पानीमा भिजेर काम गर्ने किसान
हाम्रै लागि हिलोमा आफ्नो जिउढाल खियाउने किसान।
भन्छन् मानिसहरू किसान बनेर के गर्ने ?
त्यति जाबो कमाइले कसरी परिवारको पेट भर्ने ?
सरल जीवन जिउनुपर्छ भन्छन् डाक्टर, पाइलट बनेर
तर उनीहरूलाई के थाहा ?
डाक्टरको पेट पनि किसानकै मिहिनेतले भरिन्छ भनेर ।
हामी त नेपाली हौं,
चिनियाहरू जस्तो प्लास्टिकको खानेकुरा खादैनौं
प्लास्टिकको चामल बनाउन पनि सक्दैनौं
बाच्छौं त केवल त्यही किसानको पसिनाको सहाराले
तर त्यही किसानलाई किन हेप्छन् साराले ?
यो समाजले किन सबै पेसाको महत्त्व नबुझेको ?
थाहा किन नपाएको कि सबै पेसामा छ एउटा महत्त्व लुकेको
हेर जनता हो ! डाक्टरले दिँदैन चामल
पाइलट र नेताले पनि सक्दैनन् दिन
तिनले त किसानले एक एक पसिना बगाई
ओसिलो पारेको माटोमा घर बनाउन मात्र जान्दछन्
चामल त त्यही घुस खाएको पैसाले किन्ने गर्छन्
त्यति हुँदा पनि किसानकै खिल्ली उडाइ ठुलो काम गरे झैँ गर्व गर्ने गर्छन् ।
थाहा छैन , मैले किसानलाई बढी महत्त्व दिएँ कि ?
अरूले सम्मान गर्नै जानेनन्
तर मैले जति नै सम्झाउने कोसिस गरे पनि
यो संसारका मानिसले किसानको महत्त्व जान्नै खोजेनन्
किसानलाई सम्मान गर्नै मानेनन्।