Written by: Srishad Shiwakoti - 27026, Grade VIII
Posted on: 12 October, 2022
म जन्मिँदैदेखिको तिमी मेरो मिल्ने साथी
राख्छु तिमीलाई अरू साथीभन्दा माथि
मैले भनेको सबै सुन्छौ
राम्रोका लागि वा नलागी ।|
मेरो लागि बनाउन सक्छौ जसलाई नि दुश्मन
अनि याद छ तिमीले मेरै लागि अरूसँग बाझेको
जति नसके पनि कोसिस गरिरहने राम्रो तिम्रो बानी
बेलुका खेल्न नपाउँदा निराश हुन्थ्याै जानी नजानी।
झगडा गरी रिसायौ होला कयौँ पटक
मित्रताको आशा तोड्यौ होला पटक पटक
तर पनि हाम्रो मित्रता कहिले टुट्न नसक्ने
लाखौँ करोडौँ दिए पनि नतोडिने अटुट सम्बन्ध यो।
पढ्यौँ लेख्यौँ खेल्यौँ सँगै
समय र परिस्थितिले टाढा जानु नै पर्ने
जिन्दगीभरि सँगै बस्छु त भन्दिन
तर आशा छ फेरि भेटेर रम्ने।
साथी, निकै एक्लो छु अहिले
बाँकि भनेको केवल तिम्रो सम्झना छ
तिम्रो याद आए निस्किन्छन् आँसु यहाँ
थाहा छ, तिमीलाई नि त्यस्तै हुँदो हो त्यहाँ।