Written by: Yalam Dev Pradhan - 28014, Grade VI
Posted on: 09 May, 2021
२०७६ सालकाे चैत्र महिनामा सपरिवार हामी घुम्नका लागि निस्कने निर्णय गरेका थियाैँ । सोहीबमोजिम हामी बिहान ६ बजेतिर उठ्याैँ । हातमुख धोयाैँ अनि लुगा जुत्ता मिलायाैँ । त्यसपछि आफ्ना सामानहरू बोकेर रातो पुलतिर लाग्याैँ । करीब नौ दश मिनेट प्रतीक्षा गरिसकेपछि हामी जाने गाडी आइपुग्यो । हामीले आफ्ना सामानहरू गाडीमा राख्याैँ र सबैजना गाडीमा चढ्याैँ । त्यसपछि हामीले हाम्रो यात्रा सुरु गर्याैँ ।
केही समयकाे यात्रा गरेपछि हामीले गाडी राेक्याैँ र बाटोमा चाहिने खानेकुराहरू किन्याैँ । त्यसपछि हाम्राे यात्रालाई अगाडि बढायाैँ । हरियाली पहाड र कलकल बग्ने नदीको आवाजले हामीलाई रमाइलो बनाएको थियो । पहाडको यात्रा अत्यन्त मनमोहक बनेको थियो ।हामी पहाडको घुमाउरो बाटो हुँदै एउटा होटलमा आइपुग्याैँ र खाजा खायाैँ । खाजा खाइसकेपछि हामी फेरि गाडीमा चढ्याैँ र चितवनतर्फ लाग्याैँ । बाटोमा हामीले झरनाहरू नदीहरू देख्याैँ र त्रिशुलीको किनारमा गयाैँ । त्रिशुलीको किनारमा धेरै ढुङ्गाहरू थिए । ढुङ्गाहरूको बिचमा हिड्न अप्ठ्यारो थियो तर पनि हामी बिस्तारै किनार किनारतर्फ पुगेर एक छिन पानीमा खेल्याैँ र फोटाहरू पनि खिच्यौँ । हामी फेरी गाडीतर्फ आयाैँ र गाडीमा बस्याैँ । केही समय गाडीको यात्रा गरिसकेपछि हामी चितवन पुग्याैँ । चितवन काठमाडौँजस्तो विकसित लाग्यो । हामी त्यहाँ गएर जिपको सफारी गर्ने भन्ने योजना बनाएका थियाैँ । हामीले जिपको पैसा दियाैँ । रुपमा बसेपछि हाम्रो गाइड पनि त्यही आइपुगे । यसका पछाडि हामी तराईको गाउँ हुँदै जङ्गलतर्फ लाग्याैँ । चितवन राष्ट्रिय निकुञ्जमा हामीले धेरै प्रकारका जनावरहरू देख्याैँ । १/२ घण्टाको जङ्गल सफारीपछाडि हामी फेरि गाडीमा चढ्याैँ र हामी बस्ने होटल खोज्नतर्फ लाग्याैँ । हामी एउटा होटलमा गएर खाजा खायाैँ अनि त्यही नजिकैको एउटा रेष्टुरेन्टमा बस्ने योजना बनायौँ र त्यहाँ गएर आफ्ना सामानहरू राख्याैँ । हामी निकै थाकिसकेका थियाैँ त्यसैले खाना खायौँ र आराम गर्यौँ । भोलिपल्ट हामी छिट्टै उठ्याैँ र नजिकैकाे मन्दिरतर्फ लाग्याैँ । हामीले त्यहाँ धेरै फोटाहरू पनि खिच्यौँ ।
तेस्रो दिन हामीले पोखरा जाने योजना बनाएका थियाैँ । आफ्नो योजनाअनुसार हामी पोखराको यात्राका लागि निस्कियौँ ।बाटो धेरै घुम्ती परेको अनि लामो थियो । यात्रा गर्दागर्दै हामीलाई भाेक लाग्याे । त्यसपछि हामी नजिकैको एउटा पसलमा गयाैँ र खाना खायौँ । होटल नजिकै देवघाटको मन्दिर थियो । हामीले देवघाटकाे मन्दिर पनि दर्शन गर्ने निधो गर्याैँ । हामीले डुङ्गामा चढेर नारायणी नदी तर्याैँ र देवघाट मन्दिरको पनि दर्शन गर्याैँ । देवघाट मन्दिर वरपर रमाइलो थियो । बीचमा डाँडो परेको थियो । एकातिर कालिगण्डकी कलकल गर्दै बगिरहेकी थिइन् भने अर्कोतिर त्रिसुली नदीको मनोरम दृश्य देखिन्थ्यो । मन्दिर पुगेर दर्शन गरिसकेपछि हामीले त्यहाँ पनि धेरै फोटाहरू खिच्याैँ । अत्यन्त राम्रो देखिने त्यस ठाउँलाई हामीले छोडेर जाने मनै थिएन तर पनि आफ्नो यात्रा त पूरा गर्नु पर्ने थियो । केही समय त्यहाकाे शान्त ठाउँमा बसेपछि हामी एउटा होटलमा गयाैँ र चिया खायाैँ । त्यसपछि गाडीमा बसेर पोखरातिर लाग्याैँ । पाेखरा जाने क्रममा बाटोमा एउटा पुल थियो पुलमा गएर हामीले खोला हेर्याैँ । फेरिपनि पोखराका यात्राका लागि अगाडि बढ्याैँ र केही समयमा हामी पोखरा पुग्याैँ । त्यहाँ गएर हामी एउटा होटलमा आफ्ना सामानहरू राखी केही समय विश्राम गर्याैँ । त्यसपछाडि हामी फेवातालमा गयाैँ । हामी एउटा ढुङ्गामा बस्यौँ फेवातालमा जलविहार गर्याैँ। त्यसपछाडि हामी तालबाराही मन्दिरमा गयाैँ । तालबाराही मन्दिरबाट सेवा ताको वरिपरि हामीले माछाहरू पनि हेर्याैँ ।त्यसपछाडि हामी होटलमा आएर र खाना खाएर सुत्याैँ ।
अर्को दिन हामी सराङकोट गएर सूर्योदय हेर्ने योजना बनाएका थियाैँ । त्यही योजनाअनुसार हामी बिहानै उठ्याैँ र चिया खाएर सराङकोटतर्फ लाग्याैँ । सराङकोटकाे सूर्योदय हेरेपश्चात हामी डेभिड फल्स हेर्नतर्फ लाग्याैँ । हामीले त्यहाँ फोटाहरू पनि खिच्यौँ र बाटोमा खाना खायाैँ अनि आफ्ना सामानहरू लिएर गाडीमा चढी काठमाडौंतर्फ फर्क्याैँ । हाम्रो यो यात्रा निकै रमाइलो र ज्ञानवर्धक लाग्यो । यस यात्रालाई मैले सधैँभरि सम्झिरहने छु ।
