Written by: Niharika Chapagain - 2024008, Grade VIII
Posted on: 04 March, 2021
हामी हिन्दू, सिख, बौद्ध आदि हौँ भन्ने तथ्यको बाबजुद पनि हामी सबैको "ईश्वरलाई पछ्याउने" अवधारणा छ । वास्तवमा ईश्वर को हुनुहुन्छ त ? के ईश्वरको अस्तित्व छ ? ईश्वर सर्वोच्च हुनुहुन्छ भनेर भन्न सकिन्छ । कसैलाई पनि थाहा छैन कि ईश्वरको अस्तित्व छ कि छैन । कसैले पनि कहिल्यै पनि ईश्वरलाई देखेको छैन । सामान्य मानवीय दर्शनबाट भन्ने हो भने ईश्वरलाई हेर्नु भनेको त केवल एक कल्पित कथा हो । सत्य यो छ कि परमेश्वर सबै ठाउँमा हुनुहुन्छ !
मानिसहरूले परमेश्वरलाई देख्न सक्दैनन्, परमेश्वर हुनुहुन्न भन्ने प्रमाण भेटेका छैनन्, तर परमेश्वर सबै कुरामा हुनुहुन्छ! परमेश्वर ब्रह्माण्डभन्दा पर हुनुहुन्छ र ब्रह्माण्ड परमेश्वर स्वयम् पनि हुनुहुन्छ । परमेश्वर सर्वोच्च आत्मा हुनुहुन्छ र परमेश्वर अनन्त हुनुहुन्छ । ईश्वरको अस्तित्व भए पनि नभए पनि यो संसारमा भएका सबै सामग्रीहरूको अस्तित्व परमेश्वर कै कारणले छ । सबै कुरा परमेश्वरभित्र हुन्छ र परमेश्वर प्रत्येक घटना र कार्यहरूभित्र उपस्थित हुनुहुन्छ । सबै कुरा परमेश्वरमा र परमेश्वरको इच्छाले हुन्छ । परमेश्वर असीम हुनुहुन्छ। उँहा जहिले पनि अनन्त ज्ञान र असीम शक्तिसँग अवस्थित हुनुहुन्छ । परमेश्वर पूर्ण रूपमा सिद्ध हुनुहुन्छ । उँहाको कुनै विशेष लिङ्गको साथ परिभाषित गर्न सकिदैन । वास्तवमा परमेश्वरको बारेमा बुझ्न र प्रस्तुत गर्न असम्भव छ । धर्मज्ञहरू तर्क गर्छन् कि परमेश्वरको अस्तित्व यस्तो प्रश्न हो जुन एक वैज्ञानिकले जवाफ दिन सकिदैन तर यस संसारमा सबै चीज उर्जा हो। उर्जाले ब्रह्माण्डमा हुने हरेक प्रक्रियालाई पूरा गर्दछ। यी प्रक्रियाहरूको प्रभावहरूले ऊर्जाको रूप लिन्छ। यी सबै शक्तिहरूको स्रोत परमेश्वर, सर्वशक्तिमान हुनुहुन्छ । परमेश्वर र उर्जा दुबैलाई नष्ट गर्न सकिदैन, यसको सट्टामा, तिनीहरू एक रूपबाट अर्कोमा रूपान्तरण हुन सक्छन्। ईश्वर र उर्जा, दुबैलाई बुझ्न सकिदैन र निश्चित तरिकाले वर्णन गर्न सकिँदैन। हामी तिनीहरूलाई देख्न सक्दैनौं तर तिनीहरू प्रत्येक क्षण हामीभित्रै उपस्थित छन्। बाह्य संसारले हामीलाई ईश्वरका विभिन्न सम्प्रदायहरू देखाउँन सक्दछ तर यो केवल एक आध्यात्मिक शक्ति हो जसले हामी, मानिसहरूलाई, एकसाथ बाँध्दछ। त्यसकारण हामी मानिस हौँ, र सर्वशक्तिमानको शक्तिमाथि विश्वास गर्दै छौँ। ईश्वरको पहुँच कसैको कल्पनाको पहुँचभन्दा टाढा छ, ईश्वरको हरेक सृष्टिमा सर्वशक्तिमान परमेश्वर हुनुहुन्छ । भगवान सबै कुरामा उपस्थित हुनुहुन्छ । भगवान समय हुनुहुन्छ। उँहा विगत, वर्तमान र भविष्य हुनुहुन्छ। यदि ईश्वर नकारात्मकताको अन्धकार हुनुहुन्छ भने सकारात्मकताको उज्यालोपनाको बाटो पनि उहाँ नै हुनुहुन्छ। भगवान गति हुनुहुन्छ, भगवान आराम पनि हुनुहुन्छ । भगवानलाई देख्न सक्नु भनेको केवल मान्छेको कल्पना मात्र हो। भगवानको उहाँलाई हेर्न वा खोजी गरेर फेला पार्ने अस्तित्व छैन । परमेश्वर हाम्रो प्रत्येक सास र पाइलामा उपस्थित हुनुहुन्छ। प्रत्येक सुरूवातको अन्त हुन्छ र अन्तको अर्को सुरूवात हुन्छ । परमेश्वर एउटा सुरुवातको अन्त हुनुहुन्छ र अन्तबाट नयाँ सुरूवात पनि परमेश्वर नै हुनुहुन्छ । भगवानको सुरुवात छैन र अन्त पनि छैन । परमेश्वर हामीभित्र हुनुहुन्छ र हामी परमेश्वरभित्रै छौँ । त्यसकारण भगवानलाई खोज्नुको सट्टा अनुभूति गर्नुपर्दछ। हामी भित्री आत्मा हौँ, बाह्य शरीर होइनाैँ । जब हामी आफैँलाई र आफ्नो भित्री आत्मालाई चिन्छौँ जब हामीले बाहिरी शरीरको सट्टा आफैँ भएको महसुस गर्छौं तब हाम्रो आत्मा सर्वशक्तिमान परमेश्वरसँग जोडिनेछ र हामी आफूभित्र ईश्वरलाई पाउँनेछौँ।
वर्तमान संसारमा योग हाम्रो प्राणमा पुग्नको लागि एक उत्तम मार्ग हो। यो विश्वास गरिन्छ कि भगवान शिव आफैँले योगका सबै प्रक्रियाहरू आदियोगीको रुपमा सिकाएका थिए। अन्तमा, भगवानको अस्तित्व छ। परमेश्वरका विभिन्न रूपहरू छन् तर परमेश्वर हामीमा, हाम्रो माँझमा, हाम्रो भित्र हुनुहुन्छ, र निरन्तर हामीलाई डोर्याइरहनुहुन्छ ।
