म विद्यार्थी

Written by: Niharika Chapagain - 2024008, Grade VIII

Posted on: 23 February, 2021

हुँ म एक असल विद्यार्थी 

कलम हो मेरो हतियार।

विद्यालय जान्छु पोसाक लगाई 

बनी देशको कर्णधार ।।

 

उड्ने छु म एक पुतली झैँ 

यी रङ्गीबिरङ्गी किताबहरूमा।

बन्ने छु म एक उज्यालो किरण 

यो अन्धकार फैलिएको देशमा।।  

 

कोमल छु म एक कोपिला झैँ 

नचुड मलाई।

देशको उज्वल भविष्य बोक्दै 

आउनेछु राष्ट्र गान गाई।।  

 

कोर्ने छु भाग्यका नयाँ रेखा 

आफ्ना सिर्जनशील हातहरूले।

बन्ने छु म एक सुन्दर फूल 

सजाउन देशलाई मेरा सिपले।।  

 

नरोक मलाई! डुब्न देऊ ज्ञानको सागरमा

  बन्न देऊ मलाई एक विद्वान।

नरोक मलाई! हराउन देऊ संसारका तथ्यहरूमा

बन्न देऊ मलाई देशको सान।।